हामी तीन दशकदेखि नेपालमा रहेर नेपाली जनताहरूको आवश्यकताहरू परिपूर्ति गर्दै आएका छौं । आज हामीसँग एकलाख भन्दा धेरै उपभोक्ताहरू र सरोकारवालाहरूको मजबुतसमुदायरहेको छ ।यसले हामीलाई यो देशमा एसयूभी, पिकअप र ट्रयाक्टरको क्षेत्रमा मुख्य ब्रान्डको रुपमा स्थापित हुन मद्दत गरेको छ । यहाँ हाम्रो व्यवसायहरू विविध छन् जसमा व्यावसायिक सवारी साधनहरू, निजी सवारी साधनहरू, विद्युतीय सवारी साधनहरू, ट्रयाक्टरहरू, जेनेरेटरहरू, निर्माण सामग्रीहरू, कृषि-व्यवसाय लगायत अन्य रहेका छन् ।

नेपाल हाम्रो विश्वव्यापी वृद्धि रणनीतिको एउटा महत्वपूर्ण भाग रहँदै आएको छ । विश्वको एउटा तीव्र गतिमा बढ्दै गएको अर्थतन्त्रको रुपमा यो एउटा प्रमुख रणनीतिक बजार रहेको छ । यहाँ हाम्रो व्यवसाय गतिविधिहरूलाई बढाउन हामी प्रतिबद्ध छौं र यो प्रक्रिया काठमाडौंमा हाम्रो कन्ट्री अफिस स्थापनासँगै सन् २०१७ मा सुरु भयो । नेपालमा स्थानीय रुपमा विस्तार भैरहेको एउटा विश्वव्यापी ब्राण्ड महिन्द्रासँग काठमाडौंको स्थानीय कार्यालयसहित ग्राहकहरूको आवश्यकता तथा आकांक्षामा केन्द्रित स्थानीय टीम रहेको छ ।

एउटा लक्षित बजारको रुपमा, महिन्द्राले आफ्नो वितरक/डिस्ट्रिव्युटर साझेदारहरूसँग मिलेर नेपालमा एउटा बेग्लै ब्रान्ड बिस्तारको लागि महिन्द्रा उदय उत्सव २०१९सुरु गर्यो । नेपालका ग्राहकहरूको लागि विशेषरुपमा सिर्जित एक अनुभवको रुपमा महिन्द्रा उदय उत्सवले ग्राहकहरूलाई एकै छाता अन्तर्गत महिन्द्रा ब्राण्डको सम्पूर्ण अनुभव लिने मौका प्रदान गर्यो । यसले आकर्षक प्रदर्शनी र कार्यहरूको माध्यमबाट महिन्द्रा गाडीहरू र यसको विश्वव्यापी प्रविधिको बलियो मजबुत डीएनए निर्माणमा मद्दत गर्यो ।नेपालमा महिन्द्रा ग्राहकहरूको “उदय” कथालाई थप सम्मान गर्न यस विशेष कार्यक्रमको समयमा विभिन्न वर्ग समूहबाट १२ ग्राहकहरू छनौट गरी महिन्द्रा उदय अन्तर्गत विशेष सम्मान प्रदान गरियो ।

नेपालको हरित सवारी साधनहरूतर्फ अघि बढ्ने दीर्घकालीन सोचलाई महिन्द्राले सदैव सहयोग गर्दै आएको छ । पूर्ण विद्युतीय फोर-व्हील भएको महिन्द्रा e2o बजारमा ल्याउने महिन्द्रा पहिलो अटोमोबाइल कम्पनी थियो । विभिन्न क्षेत्रका ग्राहकहरूलाई आधुनिक, प्रविधिगत रुपमा नवीनतम र उत्कृष्ट उत्पादनहरू प्रदान गर्ने कार्यमा महिन्द्रा सधैं नै अगाडि रहँदै आएको छ ।

नेपालमा रहेका हाम्रो साझेदारहरू यस मुलुककै अग्रणी व्यावसायिक समूहहरू हुन् – अग्नि समूह, दुगड समूह